جواز الصالونات : دعارة مرخصة 1

جالك عريس ( انشكاح رهيب ومعاملة لطيفة ) مبروك يا حبيبتي أنا فرحانة بيكي .

– أنا مش عايزة جواز صالونات .

.أومال هتتجوزي ازاي ؟

– زي أي شخص عادي بيقابل شخص أخر ويحبه .

. قصدك تمشي مع واحد وتعصي ربنا .

– لا قصدي أحب شخص مش كل همه شكلي وأهلي واني أكون أم عياله وخدامة في البيت .

. ازاي يعني !! الأهل دول أهم حاجة وبعدين انتي تحمدي ربنا على النعمة . ده راجل معتمد على نفسه وإبن ناس وأهله طيبين .

– وأنا مالي ومال أهله ! وبعدين هو أنا لازم اتجوز لمجرد إن واحد اتقدم ! طيب أنا مش عايزة اتجوز دلوئتي أصلا !!

. عشان ربنا قال كده . انتي مريضة نفسيا ( إنهيار وعياط وزعيق ) . انتي فاكرة نفسك مين !! انتي كمان 10 سنين محدش هيبوصلك ولا هيعوزك وصحابك دول محدش فيهم هيكون موجود عشانك . انتي أنجزتي إيه في حياتك ؟؟؟ طموحك إيه يعني . كتابة ؟؟ إيه يعني ! انتي ملكيش قيمة من غير راجل يسندك ويكون موجود في حياتك ويساعدك . الست من غير راجل تضيع ! انتي هتضيعي !!! عليه العوض !! عايزة تستقلي بنفسك وتسهري للفجر  ؟؟ بس كل حاجة ليها تمن انتي هتخسري كتير وربنا هيغضب عليكي عشان مش مقدرة النعمة . لو جالك عريس تاني حقوله معندناش بنات للجواز أصلها مش عايزة ! عايزة تسافري ؟؟ سافري وضيعي ! عشان كده مش عايزة تتجوزي ؟؟ عليه العوض … أي واحدة في مكانك تطير من الفرحة وتحمد ربنا . خليكي ماشية مع الصحاب اللي بتشرب سجاير !! نهايتك هتكون زي الزفت لأن غضب الأم ده عند ربنا كبير أوي ( اقتباسات من القرأن والحديث ) … دي حياتك ونتي حرة فيها بس إستحملي بقى .

– شكرا انك شايفاني نكرة ومليش قيمة إلا براجل . زي ما قولتي كده دي حياتي و أنا حرة فيها ! مش انتي اللي هتتجوزي .. اه وبالنسبة لحوار السجاير اللي انتي واخدة عنه فكرة غلط .. مش معنى إن شخص بيشرب سجائر يبقى شخص سيء . بالمناسبة أنا بشرب سجائر أحيانا وشيشة ولا أعتقد اني شخص سيء وبفسد اللي حواليا . الانسان حر يعمل اللي هو عايزه المهم لا يأذي غيره .. جسمي ملكي .

. لا مش ملكك طبعا . دي أمانة من ربنا !!! ( نظرة مرعبة )

– ….ماشي يا ماما .

to be continued

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s